Ուշակովի հայտարարությունների հիմնական դրույթները` Պուտինի և Թրամփի հեռախոսազրույցի մասին

Ներկայացնում ենք ՌԴ նախագահ Յուրի Ուշակովի հայտարարության հիմնական դրույթները.

• ՌԴ նախագահը համաձայնել է Թրամփի առաջարկին՝ շարունակել կարգավորման ուղղությամբ աշխատանքը հատուկ ստեղծվող աշխատանքային խմբերի շրջանակներում:

• Ուկրաինայի հարցով աշխատանքային խմբերի պարամետրերի մասին հայտնի կդառնա հունվարի սկզբին։

• Դոնալդ Թրամփը հայտարարել է պատերազմը հնարավորինս շուտ ավարտելու անհրաժեշտության մասին:

• Պուտինը և Թրամփը հիմնականում համակարծիք են այն հարցում, որ ժամանակավոր զինադադարը կհանգեցնի միայն Ուկրաինայում հակամարտության ձգձգմանը:

• Թրամփը զանգահարել է Պուտինին՝ ուկրաինական կարգավորումը քննարկելու համար նախքան Զելենսկու հետ հանդիպումը:

• Կողմերը պայմանավորվել են ևս մեկ անգամ խոսել հեռախոսով ԱՄՆ նախագահի և Զելենսկու հանդիպման արդյունքներով:

• Կիևի համար իմաստ ունի «առանց հապաղելու» որոշում կայացնել Դոնբասի վերաբերյալ՝ հաշվի առնելով ռազմաճակատներում ստեղծված իրավիճակը:

• ԱՄՆ նախագահն ընդունել է, որ ուկրաինական հակամարտությունն իր համար ամենադժվարն է ստացվել:

• ԱՄՆ նախագահն ուշադիր լսել է պայմանավորվածությունների ձեռքբերման հեռանկարների վերաբերյալ ռուսական գնահատականները:

• Պուտինի հետ զրույցը կազմակերպվել է Թրամփի նախաձեռնությամբ:

• Ռազմական գործողությունների վերջնական դադարեցման համար Կիևից պահանջվում է պատասխանատու որոշում:

• Ռուսաստանի առաջնորդը Թրամփի հետ զրույցում հայտարարել է Անկորիջում ձեռք բերված փոխըմբռնումների վրա այսուհետ ևս հենվելու կարևորության մասին:

• Թրամփը հայտարարել է Ուկրաինայում հակամարտության ավարտի դեպքում ԱՄՆ-ի և Ռուսաստանի միջև տնտեսական համագործակցության տպավորիչ հեռանկարների մասին:

• Կողմերը փոխանակվել են ամանորյա շնորհավորանքներով և երջանկություն մաղթել ՌԴ և ԱՄՆ ժողովուրդներին:

• Խոսակցությունը տևել է 1 ժամ 15 րոպե, կրել է ընկերական, բարյացակամ և գործնական բնույթ: