Երկկողմ բանակցություններից հետո Թրամփը և Զելենսկին հեռախոսազրույց կունենան եվրոպական առաջնորդների հետ
Ուկրաինայի նախագահ Վլադիմիր Զելենսկին դեկտեմբերի 28-ին Ֆլորիդայում հանդիպում կունենա ԱՄՆ նախագահ Դոնալդ Թրամփի հետ, հայտարարել է Զելենսկու գրասենյակի խոսնակ Սերգեյ Նիկիֆորովը, տեղեկացնում է «РБК-Украина»-ն։
Նախատեսված են նախագահների համատեղ հայտարարություններ և հեռախոսազրույց եվրոպական առաջնորդների հետ։
Ըստ Ուկրաինայի նախագահի գրասենյակի ներկայացուցչի, Զելենսկին և Թրամփը բանակցություններից առաջ հանդես կգան համատեղ հայտարարությամբ։ Կկայանա նաև Զելենսկու և Թրամփի համատեղ հեռախոսազրույց եվրոպական առաջնորդների հետ։
Այս պահին դեռևս հայտնի չէ, թե եվրոպական առաջնորդներից ովքեր կմիանան զրույցին։ Հարցը դեռ գտնվում է համաձայնեցման փուլում։
