Արցախ վերադարձի հարցը Փաշինյանի համար փակված է, մեզ համար փակված չէ, նոյեմբերի 9-ի փաստաթուղթն ուժի մեջ է. Վիտալի Բալասանյան
Օգոստոսի 8–ինը փաստաթուղթ չի, նոյեմբերի 9–ն է իսկապես փաստաթուղթ, գործող փաստաթուղթը դա է։ Այսօր լրագրողների հետ զրույցում նման կարծիք հայտնեց Արցախի Հանրապետության Անվտանգության խորհրդի նախկին քարտուղար Վիտալի Բալասանյանը։
«Արցախ վերադարձի հարցը Փաշինյանի համար փակված է, մեզ համար փակված չէ, կա Նոյեմբերի 9–ի փաստաթուղթ, որն ուժի մեջ է»,– ասաց Բալասանյանը։
Անդրադառնալով եկեղեցու դեմ տարվող արշավին եւ Արցախի թեմի առաջնորդի պահվածքին, Բալասանյանը նշել է. «Ցանկություն չունեմ գնահատական տալու, արցախցիներն իրենց կարծիքը հայտնել են, յուրաքանչյուր հավատավոր մարդու դատավորը Աստվածն է, ով խախտում անի, կպատժի Աստված։ Ես չեմ, որ պիտի գնահատական տամ»։
