Ռուսաստանի Պետդումայում հայտնել են ԱՄՆ կոնգրեսականների հետ հանդիպման պայմանավորվածության մասին
Ռուսաստանի խորհրդարանականները և ԱՄՆ Կոնգրեսի ներկայացուցիչները պայմանավորվել են հանդիպման մասին, որի անցկացման վայրի և ժամանակի վերաբերյալ մանրամասները կարող են հայտնի դառնալ տեսանելի ապագայում։ Այս մասին ТАСС-ին տված հարցազրույցում հայտարարել է Պետդումայի միջազգային գործերի կոմիտեի ղեկավար, ՌԼԴԿ-ի առաջնորդ Լեոնիդ Սլուցկին։
«[Կա] սկզբունքային պայմանավորվածություն։ Առայժմ առանց մանրամասների, բայց այդ մանրամասները կարող են տեսանելի ապագայում ի հայտ գալ», – ասել է պատգամավորը։
Սլուցկին կոչ է արել համբերությամբ սպասել, քանի որ հանդիպման մանրամասները պետք է մշակվեն, որպեսզի արդյունք լինի։
«Մեզ պետք չէ հանդիպում հանուն հանդիպման։ Մեզ պետք չեն ձեռքսեղմումներ հանուն կադրի որևէ լրատվական գործակալության ժապավենում։ Մեզ պետք է արդյունք։
Արդյունք, որը կլինի Ռուսաստանի նախագահի օրակարգում՝ մեր ազգային շահերի առաջխաղացման համար, այդ թվում և առաջին հերթին մեր անվտանգության ոլորտում», – ընդգծել է նա։
Ավելի վաղ Ռուսաստանի նախագահի՝ արտասահմանյան երկրների հետ տնտեսական համագործակցության հարցերով հատուկ ներկայացուցիչ Կիրիլ Դմիտրիևը հայտնել էր, որ Ռուսաստանն ու ԱՄՆ-ն քննարկում են Կոնգրեսի անդամների և Պետդումայի պատգամավորների հանդիպման հնարավորությունը։
