Թուրքական բարձրաստիճան պատվիրակությունը ժամանել է Դամասկոս՝ Սիրիայի նախագահի հետ բանակցությունների
Թուրքիայի արտաքին գործերի նախարար Հաքան Ֆիդանը, ազգային պաշտպանության նախարար Յաշար Գյուլերը և Ազգային հետախուզական կազմակերպության (MIT) ղեկավար Իբրահիմ Քալընն աշխատանքային այցով ժամանել են Սիրիայի մայրաքաղաք Դամասկոս։
Այդ մասին հայտնում է թուրքական «Անադոլու» լրատվական գործակալությունը:
Նախատեսվում են բանակցություններ թուրքական պատվիրակության և Սիրիայի նախագահ Ահմեդ ալ-Շարաայի, ինչպես նաև Սիրիայի այլ պաշտոնյաների միջև։
Խորհրդակցությունները, ինչպես սպասվում է, կներառեն թուրք-սիրիական հարաբերությունների վերջին մեկ տարվա վիճակի համապարփակ գնահատական՝ թե՛ քաղաքական, թե՛ տնտեսական, թե՛ անվտանգության հարցերի տեսանկյունից։
Մասնավորապես, առանձին քննարկում է սպասվում մարտի 10-ի համաձայնագրի իրականացման վերաբերյալ, որը կապված է Թուրքիայի ազգային անվտանգության առաջնահերթությունների հետ։
Կողմերը կքննարկեն Սիրիայի տարածքի անվտանգության և վերականգնման հարցերը։
Բանակցությունների կարևոր ասպեկտը կլինի համագործակցությունը ԻՊ-ի դեմ պայքարում։
