Ռաֆայել Գրոսսին պահանջել է Իրանի միջnւկային օբյեկտներին ավելի մեծ հասանելիություն ապահովել
Միջազգային ատոմային էներգիայի գործակալության (ՄԱԳԱՏԷ) գլխավոր տնօրեն Ռաֆայել Գրոսսին նոր հայտարարություն է տարածել Իրանի միջուկային ծրագրի մոնիթորինգի վերաբերյալ, հաղորդել է IRNA-ն:
Չնայած ստուգումների վերսկսման մասին վերջին հաղորդագրություններին, գործակալության ղեկավարը պնդում է, որ ՄԱԳԱՏԷ-ն դեռևս չունի մի շարք կարևոր օբյեկտների լիարժեք մուտքի հնարավորություն:
Գրոսին ընդգծել է երեք հիմնական օբյեկտների ռազմավարական նշանակությունը, որոնք կարևոր դեր են խաղում Իրանի ուրանի հարստացման ցիկլում և գործընթացում՝ Ֆորդուն, Նատանզը, Բուշերը:
ՄԱԳԱՏԷ-ի ղեկավարի խոսքով՝ այս օբյեկտների վերահսկողությունը կարևոր է տեխնիկական տեսանկյունից:
Իր հայտարարության մեջ Գրոսին ավելի հեռուն է գնացել՝ պնդելով, որ Իրանի միջուկային գործունեությունը չի սահմանափակվում այս երեք հայտնի կենտրոններով: Նա վստահություն է հայտնել այլ օբյեկտների գոյության վերաբերյալ, որոնց մասին Իրանը պաշտոնապես չի տեղեկացրել գործակալությանը:
