«Պլուրիբուսը» դարձել է Apple TV-ի պատմության մեջ ամենաշատ դիտված սերիալը
Վինս Գիլիգանի նոր «Պլուրիբուս» սերիալը դարձել է Apple TV սթրիմինգային ծառայության պատմության մեջ ամենաշատ դիտվածը։ Սթրիմինգային ծառայությունը ճշգրիտ թվեր չի հրապարակել, սակայն հաստատել է, որ գիտաֆանտաստիկ սերիալը մի քանի շաբաթվա ընթացքում դիտումների թվով գերազանցել է «Թեդ Լասսո»-ին, «Սփլիթ»-ին, «Առավոտյան շոու»-ին, «Դանդաղ ձիեր»-ին ու հարթակով հեռարձակվող այլ հիթերին։
Ռիա Սիհորնի մասնակցությամբ սերիալի պրեմիերան կայացել է նոյեմբերի 7-ին։ Առաջին եթերաշրջանը կավարտվի դեկտեմբերի 26-ին, իսկ երկրորդ եթերաշրջանն արդեն մշակման փուլում է։
