«Ինտերը» հաղթել է «Կոմոյին», Մխիթարյանը՝ գոլային փոխանցման հեղինակ
Իտալիայի առաջնության 14-րդ տուրում Միլանի «Ինտերը» սեփական հարկի տակ չորս անպատասխան գնդակ ուղարկեց «Կոմոյի» դարպասը (4-0)։
«Ներաձուրիի» կազմում գոլերով աչքի ընկան Լաուտարո Մարտինեսը, Մարկուս Թյուրամը, Հաքան Չալհանօղլուն և Կառլոս Ավգուստոն՝ համապատասխանաբար 11-րդ, 59-րդ, 81-րդ և 86-րդ րոպեներին։
Հայաստանի ազգային հավաքականի բոլոր ժամանակների լավագույն ռմբարկու Հենրիխ Մխիթարյանը խաղադաշտ մտավ 71-րդ րոպեին՝ դառնալով գոլային փոխանցման հեղինակ։
Այս հաղթանակից հետո միլանյան գրանդը վաստակած միավորների քանակը հասցրեց 40-ի՝ ժամանակավորապես գլխավորելով մրցաշարային աղյուսակը։ «Կոմոն» 24 միավորով 6-րդն է։
