Մադրիդի «Ռեալ»-ը դուրս եկավ Չեմպիոնների լիգայի եզրափակիչ
Ֆուտբոլի Չեմպիոնների լիգայում եզրափակիչի բոլոր մասնակիցները հայտնի են:
ՉԼ կիսաեզրափակիչ պատասխան խաղում «Ռեալ»-ը հյուրընկալել էր «Բավարիա»-ին: Թիմերի առաջին հանդիպումն ավարտվել էր ոչ-ոքի` 2:2 հաշվով:
Պատասխան խաղում «Ռեալ»-ը երկու գնդակ ուղարկեց «Բավարիա»-ի դարպասը` սեփականն ընդունելով միայն մեկը: «Արքայական ակումբի»-ի կազմում դուբլի հեղինակ դարձավ Խոսելուն, իսկ «Բավարիա»-ից գոլը խփեց Դևիսը:
Չեմպիոնների լիգայի եզրափակիչի մյուս մասնակիցը Դորտմունդի «Բորուսիա»-ն է:
Չեմպիոնների լիգայի 2023/24 մրցաշրջանի եզրափակիչը կկայանա Լոնդոնում` հունիսի 1-ին:
