Մարիամ Մկրտչյանը շախմատի Մ20 տարեկանների առաջնության առաջատարից հետ է կես միավոր
Հայաստանը ներկայացնող շախմատիստները շարունակում են հաջող ելույթներն աշխարհի Մ20 տարեկանների առաջնությունում:
Մեքսիկայի մայրաքաղաք Մեխիկոյում շարունակվում է շախմատի աշխարհի Մ20 տարեկանների առաջնությունը: Կանանց պայքարում Մարիամ Մկրտչյանը 5 միավորով 2023 թվականի շախմատի աշխարհի մինչև 20 տարեկան աղջիկների առաջնության առաջատարից կես միավոր է հետ:
Տղամարդկանց պայքարում Մամիկոն Ղարիբյանը դեռևս վաստակել է 4,5 միավոր և մրցաշարային աղյուսակում 18-րդն է:
Աշխարհի 20 տարեկանների առաջնությանն, ընդհանուր առմամբ, մասնակցում են 231 շախմատիստներ: Այն անցկացվում է շվեյցարական մրցակարգով և բաղկացած է 11 տուրից: Մրցաշարը կեզրափակվի հոկտեմբերի 2-ին:
