Ադրբեջանում էլ բողոքի մեծ ալիքներ են. «Իրավունք»
«Իրավունք» թերթը գրում է. «Անդրադառնալով այս օրերին Արցախում առկա իրավիճակի հետ կապված Թուրքիայում առաջացած մթնոլորտին, Ստամբուլում լույս տեսնող «Ակօս» պարբերականին խմբագիր, հրապարակախոս Բագրատ Էստուկյանը նման պատկեր նկարագրեց.
-Թուրքիայում կան մտավորականներ, որոնք իրենց բողոքի ձայնն են բարձրացրել Արցախում բնակվող հայերի դեմ իրականացվող ադրբեջանական համատարած սպանդի դեմ: Նրանք ստորագրահավաք են սկսել ընդդեմ Ադրբեջանի իշխանությունների: Այդ մտավորականների թիվն էլ քիչ չէ, մոտ 120 թուրք մտավորականներ են, որոնք ընդդիմանում են Ադրբեջանի ոճրագործություններին:
Ավելին ասեմ` Ադրբեջանում էլ բողոքի մեծ ալիքներ են, ադրբեջանցիները բողոքում են, որ ամբողջ ֆինանսները ուղղվում են ԼՂ, իսկ իրենք թանկության մեջ են»:
