ԼՂ-ում ՌԴ խաղաղապահների մահվան մեջ կասկածվողներին ձերբակալել են
Լեռնային Ղարաբաղում ՌԴ խաղաղապահների մահվան մեջ կասկածվողներին ձերբակալել են: Ինչպես տեղեկացնում է «ՌԻԱ Նովոստի»-ին, այս մասին հայտնել Է ՌԴ ուժային գերատեսչությունների աղբյուրը:
«Հանցագործության մեջ առաջին կասկածյալները ձերբակալված են»,-ասել է նա:
Աղբյուրը հավելել է, որ Ադրբեջանի զինված ուժերի կորպուսի հրամանատարին, որի ենթակաները մեղավոր են ռուս զինծառայողների մահվան համար, հեռացրել են պարտականություններից:
Ավելի վաղ, ՌԴ պաշտպանության նախարարությունից հայտնել էին, որ Լեռնային Ղարաբաղում հրաձգային զինատեսակներից գնդակոծության է ենթարկվել ՌԴ խաղաղապահների տեղափոխող մեքենա, որում գտնվող զինվորականները զոհվել են։
