Վեներա Ա.-ն հայտնաբերվել է
Ոստիկանության Թումանյանի բաժնի, ՔՈԳՎ ԹԱՇԴՊՎ և Լոռու մարզային վարչության ծառայողների ձեռնարկած միջոցառումների և բացատրական աշխատանքի արդյունքում սեպտեմբերի 12-ին, ժամը 03.30-ին, Բագրատաշենի սահմանային անցակետում հայտնաբերվել և բաժին է ներկայացվել 1985 թ. ծնված Վեներա Ա.-ն: Նա 2021 թ. ապրիլի 8-ից ոստիկանության Թումանյանի բաժնի կողմից հետախուզվում էր ՀՀ նախկին քրեական օրենսգրքի 168-րդ հոդվածի (Խնամքը ստանձնելու նպատակով երեխայի առքը կամ ստանձնողի խնամքին հանձնելու նպատակով երեխայի վաճառքը) 1-ին մասի մեղադրանքով:
Խափանման միջոցը՝ ստորագրություն:
Վեներա Ա.-ն ներկայացվել Է հետախուզումը նախաձեռնող մարմնին:
