Ընտրություններին ընդառաջ՝ Ճապոնիայի վարչապետը փոխել է նախարարներին

Ճապոնիայի վարչապետ Ֆումիո Կիսիդան լուրջ փոփոխություններ է կատարել նախարարների կաբինետի կազմում։ Այս մասին տեղեկանում ենք Kyodo գործակալությունից։

Նշվում է, որ Կիսիդան նման քայլի է դիմել, որպեսզի Խորհրդարանի ներկայացուցիչների պալատի հաջորդ ընտրություններին և 2024 թ․-ի նախագահական ընտրություններին ընդառաջ ամրապնդի իր Լիբերալ-դեմոկրատական կուսակցության դիրքերը։

Նոր կաբինետում 19 նախարարներից 11-ը կլինեն բոլորովին նոր դեմքեր, որոնց թվում են նաև 5 կանայք։

Ինչպես հաղորդում է Kyodo-ն, նախարարների կաբինետի կազմի փոփոխությունից հետո Կիսիդան քայլեր կձեռնարկի գնաճի դեմ պայքարի ուղղությամբ, կզբաղվի «Ֆուկուսիմա» ատոմակայանից ռադիոակտիվ ջրի բացթողման հետ կապված խնդիրներով։