Միայն սեփական ուղեղի հետ ընկերություն չանողը Նիկոլի հրամանատարությամբ պատերազմ կգնա. Հովհաննես Ավետիսյան

Կառավարման մասնագետ Հովհաննես Ավետիսյանը գրում է. «Երեկ Նիկոլը հայտարարում է, որ Ադրբեջանը սահմանի երկայնքով զորք է կուտակում:

Հաջորդող մտքով ասում է, որ հավատարիմ է իր հորինած խաղաղություն կոչված օրակարգին:

Հաջորդիվ, երբ Ադրբեջանն հարձակվի Հայաստանի վրա, նա ֆեյսբուքում կոչ կանի, ինչպես 2020-ի պատերազմին արեց, ինքնակազմակերպվել, կազմել ջոկատներ, որևէ մեկին հրամանատար կարգել, տանից վերցնել սուր ծակող գործիքներ և գնալ պատերազմելու:ր

Այնժամ, երբ Ադրբեջանը գրավի նորանոր տարածքներ ու հասնի Երևան, նա կհայտարարի, որ ռուսներն էին մեղավոր, որ մեզ տիրություն չարին և կստորագրի Հայաստանի հերթական կապիտուլիացիան, բայց այս անգամ հավանաբար մի ինչ-որ օտար պետության տարածքում նստած:

Հաջորդիվ Հայաստան պետությունը կդառնա մի տարածք, որի համեմատ Սիրիայում տեղի ունեցածները մանկական խաղեր կթվան:

Մինչև մեր ժողովուրդը իր հավաքական կերպարով վերջնականապես «չկզի», չի հասկանա, որ նիկոլների տեսակն ու էությունը անհամատեղելի են պետություն ղեկավարելու հետ:

Նույնիսկ, եթե ինչ-որ հրաշքով Ադրբեջանը հիմա չհարձակվի կամ չհաջողի, բայց նիկոլները շարունակեն կառավարել, ինչ-որ պահի գրածս տեղի է ունենալու:

Միայն սեփական ուղեղի հետ ընկերություն չանողը Նիկոլի հրամանատարությամբ պատերազմ կգնա:

Կթվա, թե մնացել է ասել. «Աստված մեզ պահապան», բայց Աստված անուղեղ և թուլամորթ արարծներին չի սիրում, այս տեսակի ստեղծողը նա չէ, ու նույնիսկ նա ոչ մի կերպ այլևս մեզ պահապան չէ»։