Պրիմորիեում հորդառատ անձրևներից 690 շենք է հեղեղվել
Պրիմորիեի երկրամասում տեղացած հորդառատ անձրևների հետևանքով հեղեղված մասնավոր և բազմաբնակարան շենքերի թիվը հասել է 690-ի։ Այս մասին հաղորդում է «РИА Новости»-ն՝ վկայակոչելով երկրամասի քաղաքացիական պաշտպանության և արտակարգ իրավիճակների նախարարությանը։
«35 բնակավայրերում հեղեղված է մնում 690 … բնակելի շենք` 45 բազմաբնակարան շենք և 645 մասնավոր տուն», – հայտնել են նախարարության մամուլի ծառայությունում։
Մամուլի ծառայության տեղեկատվությամբ, հեղեղված տներում բնակվում է 3853 մարդ, այդ թվում՝ 958 երեխա։ Երկրամասում ջրածածկ եղած տնամերձ տարածքների թիվը հասել է 1423-ի, իսկ հորդառատ անձրևներից հետո շուրջ 200 մարդ տեղատարափներից հետո տեղավորվել է ժամանակավոր կացարաններում:
Օգոստոսի 29-ին հարավային ցիկլոնը պատուհասել էր Պրիմորիեն, հորդառատ անձրևները շարունակվել էին գիշերը և օգոստոսի 30-ի առավոտյան՝ շարժվելով դեպի արևելք։ Տեղումների քանակով առաջատարների թվում էր Խասանսկի շրջանը, որտեղ փոթորկոտ անձրևները ողողել են տները, իսկ ջրով հեղեղված ճանապարհները խաթարել են հաղորդակցությունը Պրիմորիեի հարավի հետ։
