ՌԴ ներքին գործերի նախարարությունը երկրում թմրանյութերի արտադրության աճ է գրանցել
Ռուսաստանում սինթետիկ թմրամիջոցների մատակարարումն արտասահմանից նվազել է, սակայն երկրի ներսում դրանց արտադրության ծավալներն աճել են։
Ինչպես տեղեկացնում է «Lenta.ru»-ն, այդ մասին Թմրամիջոցների դեմ պայքարի պետական կոմիտեի նիստում հայտարարել է ՆԳ նախարար Վլադիմիր Կոլոկոլցևը։
Կոլոկոլցևի խոսքով՝ սինթետիկ թմրամիջոցները սկսել են մեծ ծավալներով արտադրվել գաղտնի լաբորատորիաներում, ընդլայնվել է թմրանյութերի առաքիչների ցանցը։ Միաժամանակ 6,5 տոկոսով աճել է ոստիկանության կողմից բացահայտված թմրամիջոցների հետ կապված հանցագործությունների թիվը, իսկ հետաքննված թմրամիջոցների հետ կապված հանցագործությունների թիվը գրեթե կրկնապատկվել է։
Այսպես, հունվարին ներքին գործերի նախարարությունը չեզոքացրել է մեֆեդրոնի արտադրության լաբորատորիան, ինչպես նաև հանցավոր համայնքի չորս առցանց խանութ, որի անդամները թաքստոցների միջոցով թմրանյութեր են վաճառել Մոսկվայի, Կուրսկի և Օրյոլի շրջաններում։ Առգրավվել է ավելի քան 200 կիլոգրամ արգելված նյութեր, ավելի քան 500 կիլոգրամ քիմիական նյութեր և սարքավորումներ։
Ավելի վաղ ՆԳՆ ղեկավարը հայտարարել էր 83.000 կայքերի ու էջերի արգելափակման մասին՝ թմրանյութերի քարոզչություն իրականացնելու համար։
