Սիրիան հնարավոր է համարում Ռուսաստանի և Իրանի աջակցությամբ Թուրքիայի հետ համատեղ աշխատանքը
Դամասկոսը պատրաստ է Թուրքիայի հետ անկեղծ և կառուցողական երկխոսության ՝ առաջադրված նպատակներին հասնելու համար՝ Սիրիայի ինքնիշխանության, անկախության, միասնության և տարածքային ամբողջականության հարգման պայմանով։ Նման հայտարարություն է արել Արաբական Հանրապետության արտաքին գործերի և վտարանդիների գործերով նախարար Ֆեյսալ Միքդադը՝ հանդես գալով Ռուսաստանի, Սիրիայի, Թուրքիայի և Իրանի ԱԳ նախարարների քառակողմ հանդիպմանը:
«Չնայած վերջին տարիների ամբողջ բացասականությանը, Սիրիան և Թուրքիան կկարողանան միասին աշխատել ռուս և իրանցի բարեկամների օգնությամբ և աջակցությամբ՝ այն նպատակներին հասնելու համար, որոնք կծառայեն երկու երկրների շահերին»,- Միքդադի խոսքերն է մեջբերել SANA գործակալությունը:
