Ընկերության անվան և ապրանքային նշանի շահարկմամբ՝ մարդկանցից բանկային տվյալների կորզման փորձեր են արվում. ՀայՓոստը զգուշացնում է
ՀայՓոստն ահազանգեր է ստանում, որ ընկերության անվան և ապրանքային նշանի շահարկմամբ մարդկանցից բանկային տվյալների կորզման փորձեր են արվում:
«Այս անգամ խարդախները այլ երկրում գրանցված անհայտ համարներից քաղաքացիներին ՀայՓոստի անունից ուղարկում են կարճ հաղորդագրություններ (SMS) ՝ առաջարկելով կատարել 233,12 դրամ առաքման վճար, որպեսզի ծանրոցը առաքվի: Հղմամբ անցնելով բացվում է պատուհան, որտեղ պահանջվում է ներմուծել անձնական և բանկային քարտի տվյալներ»,-նշված է ՀայՓոստի տարածած հաղորդագրության մեջ:
ՀայՓոստը հորդորում է ոչ մի դեպքում չտրամադրել բանկային տվյալները:
