Փրկարարներն ավտոմեքենան դուրս են բերել Ազատի ջրամբարից
Կոտայքի մարզային ճգնաժամային կառավարման կենտրոնը մայիսի 5-ին, ժամը 09:21-ին ահազանգ է ստացել, որ Ազատի ջրամբարում սուզված ավտոմեքենան դուրս բերելու համար անհրաժեշտ է փրկարարների օգնությունը:
Ինչպես տեղեկացրին ՀՀ ներքին գործերի նախարարության փրկարար ծառայությունից, դեպքի վայր են մեկնել ՆԳՆ ՓԾ Երևան քաղաքի փրկարարական վարչության հատուկ նշանակության փրկարարական աշխատանքների իրականացման կենտրոնի փրկարարական և ջրասուզական խմբերը։
Ըստ աղբյուրի՝ փրկարարները ջրամբարից դուրս են բերել «Иж» մակնիշի ավտոմեքենան։
