Եվրոյի գոտում գնաճը նորից ավելացել է
Եվրոյի գոտում գնաճը կրկին սկսել է ավելանալ 2022 թվականի նոյեմբերից ի վեր առաջին անգամ՝ մարտ ամսվա 6,9 %-ից ապրիլին ավելանալով տարեկան հաշվարկով մինչև 7%-ով: Այս մասին տեղեկանում ենք ТАСС գործակալությունից:
Նշվում է, որ ըստ Եվրոպայի վիճակագրական գործակալության՝ Եվրոստատի տվյալների՝ գնաճի կտրուկ բարձրացումն սկսվել է 2022 թվականի փետրվարին, երբ այն տարեկան հաշվարկով կազմել է 5,9 %։ 10,6 % վերին շեմն արձանագրվել էր հոկտեմբերին, բայց հետո հաջորդել էր անկման նոր ցիկլը, որը շարունակվել է մինչև այս տարվա ապրիլ։ Եվրոյի գոտում գնաճի մակարդակի վրա ազդող հիմնական գործոններն են էներգակիրների գներն ու պետական փոխառությունների ավելացված ծավալները:
