32-ամյա Հովհաննես Ք.-ն կալանավորվել է
ՆԳՆ ոստիկանության Շիրակի մարզի պարեկային ծառայողները Ազատան գյուղի վարչական տարածքում ստուգման նպատակով կանգնեցրել են «Մազդա» մակնիշի մեքենան: Պարզվել է, որ վարորդը՝ 32-ամյա Հովհաննես Ք.-ն, ապրիլի 6-ից Մոսկվա քաղաքի ՆԳԳՎ կողմից հետախուզվում էր ՌԴ քրեական օրենսգրքի 112-րդ հոդվածի (Դիտավորությամբ առողջությանը միջին ծանրության վնասվածք պատճառելը) մեղադրանքով: Նա տեղափոխվել է ոստիկանության Ախուրյանի բաժին:
Խափանման միջոցը՝ կալանք:
Հետախուզվողի հայտնաբերման մասին տեղեկացվել է նախաձեռնողին:
