Սուր շնչառական վիրուսների հետ կապված հիվանդանոցային օղակում ծանրաբեռնվածություն չկա
Հայաստանի հիվանդանոցներում սուր շնչառական վիրուսների հետ կապված հանդարտ վիճակ է, դիմելիության աճ չկա:
Այս մասին ասաց ՀՀ առողջապահության նախարար Անահիտ Ավանեսյանը կառավարության նիստից հետո լրագրողների հետ ճեպազրույցում:
«Այս պահին հիվանդանոցային օղակում չունենք ծանրաբեռնվածություն: Բավականին հանդարտ է իրավիճակը: Սեզոնային տիպային վիճակ է: Չունենք որևէ լարվածություն»,-ասաց նախարարը:
Ըստ նախարարի՝ վիրուսը, գուցե, ավելի թեթև ընթացք է ունենում, հոսպիտալացման համար դիմելիության աճ չկա:
