Վրաերթ կատարած վարորդը հայտնաբերվել և ձերբակալվել է
Հունվարի 29-ին Երևանի Մարգարյան և Ֆուչիկի փողոցների խաչմերուկում անհայտ մեքենայի վարորդը վրաերթի էր ենթարկել 62-ամյա կնոջ, որը մարմնական վնասվածքներով բուժօգնության էր տեղափոխվել հիվանդանոց: Վարորդը պատահարի վայրից հեռացել էր:
Ոստիկանության Մաշտոցի բաժնի քրեական հետախույզների ձեռնարկած միջոցառումների արդյունքում պարզվել է, որ վրաերթը կատարել է «Ֆորդ» մակնիշի մեքենայի 30-ամյա վարորդը:
Բացատրական աշխատանքի շնորհիվ նա փետրվարի 1-ին ներկայացել է ոստիկանության Մաշտոցի բաժին և ձերբակալվել:
Կազմված փաստաթղթերը փոխանցվել են նախաքննական մարմին:
