55-ամյա Էդուարդ Մ.-ն հետախուզվում էր ՌԴ իրավապահների կողմից
Ոստիկանության Մաշտոցի բաժնի, Դավիթաշենի բաժանմունքի ծառայողների ու անձնագրային և վիզաների վարչության աշխատակիցների համատեղ ձեռնարկած միջոցառումների շնորհիվ հունվարի 31-ին ԱՎ վարչությունում հայտնաբերվել, ձերբակալվել և Մաշտոցի բաժին է տարվել 55-ամյա Էդուարդ Մ.-ն: Նա 2022 թ. հուլիսի 12-ից ՌԴ Կրասնոդար քաղաքի ոստիկանության կողմից հետախուզվում էր ՌԴ քրեական օրենսգրքի 159-րդ և 159.2-րդ հոդվածների մեղադրանքով:
Խափանման միջոցը՝ կալանք:
Հայտնաբերման մասին հայտնվել է հետախուզումը նախաձեռնողին:
