Ռեստորանի տեղազննման արդյունքում ռումբ չի հայտնաբերվել
ՀՀ արտակարգ իրավիճակների նախարարության փրկարարները և ոստիկանության կինոլոգիական խումբը ռումբ չեն հայտնաբերել Աշտարակի խճուղում գտնվող «Կովկաս» ռեստորանային համալիրում։ Ռումբի տեղադրման մասին ահազանգը նախարարության «911» ծառայությունն ստացել էր հունվարի 25-ին, ժամը 21:05-ին։
Ինչպես հաղորդում են ՀՀ ԱԻՆ պաշտոնական կայքից, դեպքի վայր մեկնած հրշեջ-փրկարարական ջոկատի մեկ մարտական հաշվարկը և կինոլոգիական խումբն ահազանգի վայրում իրականացրել են որոնողական աշխատանքներ և տեղազննման արդյունքում ռումբ չեն հայտնաբերել:
