Երիտասարդները մեծ ներուժ ունեն. Լևոն Ջուլֆալակյան
Հունահռոմեական ոճի ըմբշամարտի Հայաստանի հավաքականի գլխավոր մարզիչ Լևոն Ջուլֆալակյանի կարծիքով գավաթի խաղարկությանը մասնակցում էին մեծ ներուժ ունեցող մարզիկներ:
«Քանի որ մենք Հայաստանի առաջնություն արդեն անցկացրել էին, այս մրցաշարը կոչվում է Հայաստանի գավաթի խաղարկություն: Հաջորդ տարին շատ ծանրաբեռնված է լինելու մեզ համար, այդ իսկ պատճառով մրցաշարն անցկացնում ենք հիմա: Ընդհանուր առմամբ երիտասարդներից գոհ եմ տեսնում եմ մեծ ներուժով մարզիկներ են: Լավ աշխատանքի դեպքում ամեն ինչ նորմալ կստացվի»,- լրագրողների հետ զրույցում ասաց Ջուլֆալակյանը:
Ջուլֆակայանի խոսքով` մասնակիցներից քանակը` 72 մարզիկ, քիչ է, քանի որ 18 տարեկանից բոլորը մեկնում են զինծառայության, որտեղից էլ շատ մարզիկներ հետ չեն գալիս:
Հունահռոմեական ոճի ըմբծամարտի Հայաստանի գավաթի խաղարկությունը ձգվեց միայն մեկ օր: Իսկ դեկտեմբերի 26-ին կկայանա ազատ ոճի ըմբշամարտի գավաթի խաղարկությունը:
