«ԲԷՑ-ում նախատեսվում է 150-160 հաստիքների կրճատում». Գարեգին Բաղրամյան
«Ընդհանուր կառուցվածքային փոփոխություններ բոլոր ընկերություններում լինելու են։ Այս պահին ամենաակտիվ աշխատանքներն իրականացվում են Բարձրավոլտ էլեկտրական ցանցերում»,- այսօր կառավարության նիստից հետո լրագրողների հետ զրույցում հայտարարեց ՀՀ էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանը։
Ըստ նրա՝ 2 օր առաջ ընտրվել է ԲԷՑ-ի նոր տնօրեն, որին այսօր կներկայացնեն, շուտով կհաստատեն նաև աշխատակազմի ցուցակը, որտեղ նախատեսվում է 150-160 հաստիքների կրճատում. «Նրանք այդքան էլ զբաղված չէին ԲԷՑ-ի հիմնական գործունեությամբ։ 163 ազատ հաստիքների պարագայում ունենք 90 արտահաստիքային պայմանագրային աշխատողներ, որն ուղղակի անհասկանալի է»։
