Նիկոլ Փաշինյանին «տոկը տվեց»

Այսօր Քաջարանում նախընտրական հանրահավաքի ժամանակ «Իմ քայլը» դաշինքի առաջնորդ Նիկոլ Փաշինյանին «տոկը տվեց»։ Նա բեմահարթակի վրա կանգնած, միկրոֆոնը բռնած խոսում էր ընտրությունների ժամանակ քաղաքացու ինքնուրույն որոշման կարևորության մասին, և հանկարծ միկրոֆոնը ձեռքից ձեռք գցեց ու ասաց. «Էս անընդհատ տոկը տալիս ա, որ սենց բաներ անեմ (ցույց տվեց՝ անկանոն շարժումներ), չզարմանաք»։

Քիչ անց Փաշինյանը կրկին զգաց միկրոֆոնով անցնող հոսանքը։ Նրան օգնության եկան թիմակիցներն ու միկրոֆոնն ամրացրեցին ձողի վրա։

Փաշինյանը նկատեց, թե ասում են՝ ձեռնոցով բռնի միկրոֆոնը և հայտնի ֆիլմը հիշեցրեց.

«Էդ եղավ Միմինոյի պատմությունը, որ ասում ա՝ Եվրոպայում էլեկտրական դաշնամուր են նվագում, պապն ասում ա՝ չի լինի, էլեկտրական դաշնամուրով ո՞նց կնվագեն, ասում ա՝ տոկը կտա, էս երեխեն Միմինոյին հարցնում ա՝ ճի՞շտ ա ասում՝ տոկը կտա՞, ասում ա՝ չէ ռեզինի ձեռնոցով են նվագում։ Հիմի ինձ ռեզինի ձեռնոց ա պետք»։

«Հա, ի՞նչ էի ասում, ժողովո՛ւրդ, տոկը տվեց մոռացա»,- կատակեց Փաշինյանը և շարունակեց ելույթը։