Զարուհի Փոստանջյանը չի մասնակցի Տարոն Մարգարյանի երդմնակալության արարողությանը
Երևանի քաղաքապետարան ժամանած «Երկիր Ծիրանի» կուսակցության ղեկավար, Երևանի ավագանու անդամ Զարուհի Փոստանջյանը լրագրողների հետ զրույցում նշեց, որ չի մասնակցելու քաղաքապետի երդմնակալության արարողությանը, քանի որ չի ընդունում, որ Տարոն Մարգարյանը ժողովրդի կողմից ընտրված քաղաքապետ է։
Հարցին, թե նշել էր, որ հետևելու է, որ քաղաքի բյուջեից «մի կոպեկ չծախսվի» միջոցառման վրա, ծախսվե՞լ է գումար, Զարուհի Փոստանջյանը պատասխանեց, որ իհարկե ծախսվել է, դա է վկայում միջոցառման պատրաստությունը և դժվարացավ նշել, թե ինչքան գումար է ծախսվել։ Նա նաև նշեց, որ երդմնակալության արարողությանը զուգահեռ նիստ է հրավիրելու։
