Կարեն Կարապետյանը մի շարք հանձնարարականներ տվեց
Այսօր կառավարության նիստում վարչապետ Կարեն Կարապետյանն անդրադարձավ պարենային անվտանգության խնդիրներին, լաբորատոր ստուգումներին, ամառային ամիսներին զբոսաշրջիկների հանգստի կազմակերպման խնդիրներին, ինչպես նաև «Մաքուր Հայաստան» ծրագրին և մի շարք հանձնարարականներ տվեց:
Ամառային շրջանի սկզբը և զբոսաշրջային սեզոնի մեկնարկը հաշվի առնելով` վարչապետը հանձնարարեց մշակույթի, տարածքային կառավարման և զարգացման, սպորտի և երիտասարդության նախարարներին, ՀՀ մարզպետներին, զբոսաշրջային կոմիտեի նախագահին հանձնարարեց մեկշաբթյա ժամկետում մշակել և առաջարկ ներկայացնել հանգստյան օրերին և ամռանը այգիներում, պուրակներում ժամանացի կազմակերպման ծրագրեր, որոնք կընդգրկեն բացօթյա կինոթոատրոններ, համերգներ, սպորտային միջոցառումներ, ամառային ճամբարներ և այլն:
«Մաքուր Հայաստան» ծրագրի վերաբերյալ վարչապետը նշեց, որ մայիսի 27-ին անցկացվեց առաջին համապետական շաբաթօրյակը և պարզվեց, որ ավելի քան 750 տնտեսվարող սուբյեկտներ չունեն աղբահանության պայմանագրեր.
«Չի բացառվում, որ լրացուցիչ ուսումնասիրության դեպքում հայտնվեն նաև այլ տնտեսվարողներ, որ չեն կնքել նման պայմանագրեր: Միաժամանակ, շաբաթօրյակները կազմակերպվելու են ավելի պարբերաբար և համակարգված»:
ՀՀ տարածքային կառավարման և զարգացման նախարարին և մարզպետներին Կ.Կարապետյանը հանձնարարեց միջոցներ ձեռնարկել տնտեսվարողների կողմից աղբահանության պայմանագրերի ապահովմամբ, համապատասխան վարույթներ հարուցել: Նա նաև հանձնարարեց զբոսաշրջային վայրերում, գազալցակայաններում, սննդի կետերում ապահովել զուգարաններ, աղբամաններ. «Նորմատիվը պետք է դարձնել օգտագործելի»:
