377 դպրոցների սեյսմակայունությունը կբարձրացվի
Այսօր ԱԺ արտահերթ նիստում ՀՀ տարածքային կառավարման և արտակարգ իրավիճակների փոխնախարար Արտաշես Բաշխյանը ներկայացրեց ՀՀ և Ասիական զարգացման բանկի միջև 2015 թվականի հոկտեմբերի 19-ին ստորագրված «Սեյսմիկ անվտանգության բարելավման ծրագիր՝ արդյունքների վրա հիմնված փոխատվություն» (հատուկ գործառնություններ) վարկային համաձայնագիրը: Ըստ նրա՝ նախատեսվում է, որ 377 դպրոցների շենքերի սեյսմակայությունը կուժեղացվի կամ նորերը կկառուցվեն և կհամապատասխնեցվեն 9 բալ ուժգնությամբ երկրաշարժի դեպքում սահմանված միջազգային չափանիշներին: Ա. Բաշխյանի խոսքով, այս դպրոցները համարվել են առաջնահերթ: Նա նշեց, որ կմշակվի նաև արտակարգ իրավիճակների ծրագիր: Ա.Բաշխյանը հայտնեց, որ 15 տարվա ծրագրի ընդհանուր արժեքը 617 մլն դոլար է, կհատկացվի 2 փուլով, 2% տոկոսադրույքով:
