Լոս Անջելեսի բոլոր դպրոցներն ահաբեկչական սպառնալիքի պատճառով փակվել են
Այսօր Լոս Անջելեսի բոլոր դպրոցներում չեղյալ են հայտարարվել դասերը սպառնալիքի հաղորդագրության պատճառով: Այս մասին հայտնում է The Wall Street Journal-ը՝ հղում կատարելով տեղի իշխանություններին:
Ինչպես նշվում է, տեղի ժամանակով առավոտյան ժ. 07.00-ի սահմաններում ոստիկանությունն ու կրթական հաստատությունների ներկայացուցիչները ընդհանուր ժողով են արել, որտեղ հաստատել են դասերը չեղյալ հայտարարելու մասին: Աշակերտների ծնողներին կոչ է արվել հետևել, որ երեխաները դպրոց չգնան:
Այդկերպ, ամերիկյան իշխանություններն ակնկալում են, որ շուրջ 650 հազար աշակերտ պետք է մնա տանը: Իրավապահներին հրամայվել է խուզարկություններ կատարել ավելի քան 1200 դպրոցներում:
Միաժամանակ, ստացված սպառնալիքների բնույթի մասին չի հաղորդվել: Սակայն հայտնի է, որ խոսքը ոչ թե կոնկրետ դպրոցի, այլ մեծաթիվ դպրոցների մասին է:
