AdMe-ն 106-ամյա հայուհու լուսանկարն ընդգրկել է իր բացառիկ լուսանկարների ցանկում. newsarmenia.am
newsarmenia.am-ը գրում է. AdMe.ru հարթակն իր 25 բացառիկ պատմական լուսանկարների ցանկում ընդգրկել է իր տունը պահպանող 106-ամյա հայուհու լուսանկարը:
Լուսանկարն արվել է 1990 թվականին ղարաբաղյան պատերազմի տարիներին:
Ցանկի կազմողների խոսքով, անցյալի լուսանկարները պատմությունը ներկայացնում են այլ տեսանկյունից: Այդպիսի լուսանկարների շնորհիվ, մեկ ակնթարթում կարելի է պատկերացում կազմել, թե ինչպիսին են իրական կյանքում եղել հայտնի դեմքերը և իրադարձությունները:
Մեր հայրենակցի լուսանկարի կողքին ցանկում տեղ են գտել այնպիսի նշանավոր մարդկանց լուսանկարներ` ինչպիսիք են Միկ Ջագերը, Ալեն դելոնը, Սալվադոր Դալին, Ուսամա Բե Լադեն, Ալֆրեդ Խիչկոկը: Ցանկում ընդգրկվել է նաև «Տիտանիկի» վերջին լուսանկարը:
