Փարիզի կենտրոնում անհայտ անձը թալանել է Chopard ոսկերչական խանութը
Այսօր Ֆրանսիայի մայրաքաղաքում թալանել են Chopard ոսկերչական խանութը, հայտնում է Le Figaro-ն՝ հղում կատարելով իրավապահներին:
Նշվում է, որ խանութը գտնվում է Ելիսեյան պալատի հարևանությամբ: Բանդիտը ներխուժել է խանութ ու զենքի սպառնալիքով հափշտակել է մոտ կես միլիոն եվրոյի զարդեր:
Գողը եղել է մոտավորապես 45 տարեկան տղամարդ: Նրան հաջողվել է զարդեր հափշտակել խանութի 4 ցուցափեղկերից: Ոստիկանությունը որոնողական աշխատանքներ է իրականացնում կասկածյալին հայտնաբերելու ուղղությամբ:
