Ինչո՞ւ 2016 թ. բյուջեի նախագիծը ԱԺ նիստում չի ներկայացնում ՀՀ վարչապետը կամ ֆինանսների նախարարը
Ինչո՞ւ 2016 թ. բյուջեի նախագիծը ԱԺ նիստում չի ներկայացնում ՀՀ վարչապետը կամ ֆինանսների նախարարը: Այս հարցն այսօր ԱԺ նիստում նախագծի քննարկման ժամանակ հնչեցրեց պատգամավոր Նիկոլ Փաշինյանը:
ԱԺ նախագահ Գալուստ Սահակյանը պատասխանեց, որ ֆինանսների փոխնախարար Պավել Սաֆարյանը նույնպես ղեկավար է, ինքն էլ կարող է հանդես գալ և կառավարությունն այդպես է հարմար գտել:
Պ.Սաֆարյանը հուսադրեց, որ պատգամավորները վարչապետին հնարավարություն կունենան այսօր լսելու, իսկ ֆինանսների նախարարը տեխնիկական պատճառներով ներկա չէ՝ ԵՏՄ շրջանակներում ֆինանսների նախարարների հավաք է Երևանում:
«Առանձնապես յալվար չենք ֆինանսների նախարարի կամ վարչապետի ելույթին, խոսում ենք ընդամենը կանոնակարգի պահպանման մասին»,- արձագանքեց Ն.Փաշինյանը:
