Մենք ուրախ ենք Բենզեմայի համար և ամբողջ թիմը աջակցում է նրան
«Ռեալի» պաշտպան Դանիլոն մեկնաբանություններ է արել «Խետաֆեի» հետ խաղից հետո (4:1), որի ժամանակ հարձակվող Քարիմ Բենզեման դարձել է 2 գոլի հեղինակ:
«Մենք գոհ ենք խաղից: Երկրպագուներն աջակցում էին մեզ ամբողջ խաղի ընթացքում: «Ռեալը» գերազանց թիմ է, որտեղ շատ հոյակապ ֆուտբոլիստներ կան: Մենք պետք է շարունակենք աշխատել: «Ռեալի» առջև դրված նպատակը միշտ հաղթելն է:
Բենզեման շատ կարևոր է մեզ համար, ինչպես և բոլոր ֆուտբոլիստները: Մենք ուրախ ենք Քարիմի համար և ամբողջ թիմը աջակցում է նրան:
Ինչ վերաբերում է Իսպանիայի գավաթին, ակումբի նախագահը արդեն խոսել է այդ թեմայով: Հիմա մենք պետք է սպասենք և դաշտում ցուցադրենք մեր առավելագույնը»,- ասել է բրազիլացին:
Պատրաստեց Անի Գաբուզյանը
