Եվրախորհրդարանի ղեկավար Մարտին Շուլցն ընդունել է, որ Եվրամիությունն այժմ վտանգավոր եւ դժվարին իրավիճակում է»: Այս մասին նա հայտարարել է Frankfurter Allgemeine թերթին տված հարցազրուցում:
Նորանշանակ վարչապետ Կարեն Կարապետյանի որոշմամբ Տիգրան Կարապետյանն ազատվել է Հայաստանի Հանրապետության վարչապետի օգնականի պաշտոնից, Գագիկ Խաչատրյանն ու Արամ Անանյանն ազատվել են վարչապետի խորհրդականի պաշտոնից։
«Ես արդեն երրորդ օրն է՝ ուշի ուշով հետևում եմ հեռուստատեսություններին, մամուլին… Հայտնվել են նոր փրկիչներ, այնպիսի բաների մասին են խոսում, որ մտածում ես՝ այդ մարդիկ այս 20 տարին այս երկրում չեն ապրել, ընդ որում, մարդիկ, որոնք ղեկավարներ են եղել, հիմա էլ կառույցներ են ղեկավարում»,- ասաց Ս. Ավետիսյանը՝ նշելով, որ այդ մարդիկ և ընդդիմադիր, և իշխանական դաշտից են, բայց անուններ չնշեց։
Անկարան հասկանում է Սիրիայում գործող ահաբեկիչների վտանգը երկրի համար և ճկունություն է հանդես բերում Սիրիայում հակամարտության կարգավորման իր դիրքորոշման մեջ, մասնավորապես, Սիրիայի նախագահ Բաշար Ասադի ճակատագրի հարցի շուրջ, այսօր հայտարարել է Ռուսաստանի արտգործնախարար Սերգեյ Լավրովը։
Բուլղարիան դիմել է Եվրահանձնաժողովին՝ խնդրելով տրամադրել 160 մլն եվրոյի օգնություն Թուրքիայի հետ սահմանը պաշտպանելու և ներգաղթյալների ու փախստականների հոսքը սահմանափակելու համար, հայտարարել է երկրի փոխվարչապետ Ռումյանա Բիչարովան։ Այս մասին հայտնում է BBC-ն։
ԱՊՀ պետությունների ղեկավարների խորհրդի նիստը 2 ժամով հետաձգվել է։ Այս մասին «Ալա-Արչա» նախագահական նստավայրում լրագրողներին հայտնել է Ղրղզստանի նախագահի մամուլի ծառայությունը, տեղեկացնում է knews.kg-ն։
ԱԺ նախկին պատգամավոր Վիգեն Խաչատրյանը կարծում է՝ կառավարության փոփոխությամբ ճիշտ քայլ է արվել։ Այսօր լրագրողների հետ հանդիպման ժամանակ նա նշեց, որ նորանշանակ վարչապետ Կարեն Կարապետյանի՝ «անցյալի բեռ» չունենալը, կօգնի ավելի ճիշտ ղեկավարել կառավարությունը:
Խորհրդային անցյալի հայրենաբաղձության «վերաբեռնումը» Լենինի, Ստալինի և Մարքսի կերպարների՝ հիփսթերյան կուռքերի վերածումը կրում է լուրջ սպառնալիք։ Այս մասին գրում է Times-ը «Պետք չէ խաբվել Ստալինի նոր կերպարին» հոդվածում։
Մեր երեք ավագ անդամների (փոխնախագահ Արմեն Մարտիրոսյան, մամլո քարտուղար Դավիթ Սանասարյան եւ քաղաքացիական հասարակության հետ կապերի համակարգող Հովսեփ Խուրշուդյան) դեմ ներկայացված շինծու մեղադրանքները դեռեւս չեն հանվել. նրանք տակավին ենթարկվում են քրեական հետապնդման:
Եվրամիությունը գտնվում է ճգնաժամային վիճակում և պետք է գործնականում ապացուցի փոխվելու իր կարողությունը։ Այս մասին այսօր հայտարարել է Գերմանիայի կանցլեր Անգելա Մերկելը Բրատիսլավայում, որտեղ ժամանել է՝ մասնակցելու ԵՄ ոչ պաշտոնական գագաթաժողովին։ Այս մասին հայտնում է ТАСС-ը։
«Ես չգիտեմ՝ Մելքումյանի մոտ ինչ-որ բան փոխվե՞լ է, թե՞ ոչ, մեզ մոտ ոչ մի բան չի փոխվել: Գագիկ Ծառուկյանը խոսքի մարդ է, և ես հավատում եմ նրա խոսքին»,- այսօր ԱԺ ճեպազրույցների ժամանակ հայտարարեց ՀՀԿ խմբակցության ղեկավար Վահրամ Բաղդասարյանը` արձագանքելով «Բարգավաճ Հայաստան» (ԲՀԿ) խմբակցության պատգամավոր Միքայել Մելքումյանի հայտարարությանը, թե Գագիկ Ծառուկյանը ժամանակավորապես է հեռացել քաղաքականությունից:
Եվրամիությունում կարծում են, որ Մեծ Բրիտանիան կարող է հրաժարվել Brexit-ից բանակցությունների շեշտադրման խստացման դեպքում, գրում է Daily Telegraph-ը՝ հղում կատարելով ԵՄ բարձրաստիճան պաշտոնյաներին։
«Ով կլինի իշխանություն, ով կլինի մեծամասնություն, նա պետք է գնա այդ քայլին: Իսկ համաձայնության կառավարությունը միակողմանի չի լինում: Անվանումներ չտանք, թե որ քաղաքական ուժի հետ կարելի է, որի հետ՝ ոչ: Մենք որևէ տարբերակում չենք դնում, եթե մենք լինենք մեծամասնություն: Համոզված եմ, որ այդ համաձայնեցված կառավարությունը բավականին ընդգրկուն կլինի»,- ասաց Վ. Բաղդասարյանը:
ԱԺ «Ժառանգություն» խմբակցության պատգամավոր Զարուհի Փոստանջյանը վստահ է, որ վարչապետ Կարեն Կարապետյանի նշանակումը եղել է Մոսկվայից: Այսօր ԱԺ ճեպազրույցների ժամանակ նա նշեց, որ Կ.Կարապետյանը տարիներ շարունակ ղեկավարել է մի ընկերություն, որը գործել է՝ ոչ Հայաստանի շահից ելնելով, կուտակվել են պարտքեր, որոնց դիմաց ՀՀ կառավարությունից խլվել են վերջին բաժնետոմսերը:
«Դժվար է լինելու, որովհետև արդեն 9-րդ ամսում ենք այս տարվա։ Դժվար է լինելու, որովհետև արտաքին նեգատիվ ազդեցությունները դեռևս էապես ազդում են մեր տնտեսության վրա. խոսքը ռուսական շուկայի անկայունության մասին է։ Բայց ճանաչելով վարչապետին՝ որպես շատ լուրջ գործարար և մենեջմենթի անդամ, նա երկար ժամանակ եղել է մեր միության խորհրդի անդամ, ես հավատում եմ, որ որոշակի հաջողություններ կունենա»։
Նախատեսվում է Էդուարդ Շարմազանովի հանդիպումը ՀԱՊԿ ԽՎ պատասխանատու քարտուղար Պյոտր Ռյաբուխինի, ինչպես նաեւ Լենինգրադի մարզի ղեկավարության հետ:
Ադրբեջանի պետական նավթային ընկերության (SOCAR) բաժնետոմսերը կարող են վաճառքի հանվել, հայտարարել է Ադրբեջանի նախագահ Իլհամ Ալիևի տնտեսական բարեփոխումների հարցերով օգնական Նատիգ Ամիրովը։
«Վաղ է գնահատականներ տալ նոր վարչապետի գործունեության մասին: Իրականում սովորաբար թողնում են կառավարությունը ձևավորվի, գոնե մի 100 օր անցնի, և դրանից հետո կերևա կոնկրետ անձնավորության և վարչապետի գործունեության արդյունքները: Բայց մենք չենք կարող սպասել, և մի քանի հարցադրումներ պետք է անել հիմա, և տեսնել, թե ինչ պատասխան պետք է տա նրա թիմը»,- այսօր ԱԺ ճեպազրույցների ժամանակ հայտարարեց ՀԱԿ խմբակցության ղեկավար Լևոն Զուրաբյանը:
««Ժառանգությունն» իր ընտրական գործընթացները միշտ կազմակերպել է և կողմնակից է եղել, որպեսզի ինքը մասնակցություն ունենա ընտրական գործընթացներին: Սակայն, իհարկե, քրեական հետապնդումը դեռ շարունակվում է իմ գործընկերների նկատմամբ, թեև նրանք ազատության մեջ են, բայց նրանց ազատ տեղաշարժը սահմանափակ է, այդ պատճառով չենք մասնակցում ՏԻՄ ընտրություններին»,- ասաց Զ.Փոստանջյանը:
Ադրբեջանի նախագահ Իլհամ Ալիևը մեկնել է Ղրղըզստան՝ մասնակցելու ԱՊՀ պետությունների ղեկավարների խորհրդի նիստին, հայտնում է ադրբեջանական APA գործակալությունը։
ԴԱԻՇ ահաբեկչական խմբավորման 4 ենթադրյալ անդամներ են ձերբակալվել Թուրքիայում Մեծ Բրիտանիայի և Գերմանիայի դիվանագիտական ներկայացուցչությունների հարևանությամբ ահաբեկչություններ նախապատրաստելու կասկածանքով, հայտնում է Haberturk հեռուստաալիքը։
Իրանում Ադրբեջանի դեսպանությունը Թեհրանի ուշադրությունը կհրավիրի պաշտոնական Բաքվի դիրքորոշման նկատմամբ՝ կապված Թեհրանի Օլիմպիադային Լեռնային Ղարաբաղի ներկայացուցիչների մասնակցության հետ։
Թուրքիայում ձերբակալվել է ընդդիմադիր, քրդամետ «Ժողովուրդների դեմոկրատիա» կուսակցության համանախագահի տեղակալ Ալփա Ալթընորսան։
Ադրբեջանը լրջագույն խնդիրներ ունի մարդու իրավունքների պաշտպանության ոլորտում: Այս մասին է հայտարարել ԱՄՆ-ի կոնգրեսական Ջիմ Մքգովերնը բացելով Կոնգրեսում մարդու իրավունքների հանձնաժողովի լսումները, որոնք նվիրված էին Ադրբեջանում մարդու իրավունքների եւ ազատությունների պաշտպանությանը. «Ադրբեջանի իշխանությունները քայլեր չեն ձեռնարկում մարդու իրավունքների դեմ գործողություններ եւ դաժանություններ իրականացրած պաշտոնյաներին պատժելու ուղղությամբ՝ դրանք անպատասխան թողնելով»:
Եվրոպայի խորհրդի Վենետիկյան հանձնաժողովը հաջորդ շաբաթ՝ Ադրբեջանում սեպտեմբերի 26-ին կայանալիք Սահմանադրության փոփոխությունների հանրաքվեի նախօրեին, կհրապարակի սահմանադրական փոփոխությունների վերաբերյալ իր գնահատականը։
ՄԱԿ-ի ներկայացուցիչները մեղադրել են Սիրիայում հակամարտության երկու կողմերին՝ թե՛ Սիրիայի իշխանություններին, թե՛ ապստամբներին նրանում, որ խոչընդոտներ են առաջացնում հրադադարի ռեժիմի ժամանակ մարդասիրական բեռները տեղ հասցնելու համար։
«Վարչապետ Կարեն Կարապետյանը չի եկել դատարկ տեղ: Վարչապետ Կարեն Կարապետյանը եկել է արդեն այնպիսի ձևավորված միջավայրի մեջ ծրագրերի առումով, որ նա չի կարող դա անտեսել»:
«Կարծում եմ` փոփոխությունները պայմանավորված են մի քանի հանգամանքով. առաջինը` իշխանությունների ցանկությունն է կարգավորելու երկրի սոցիալ-տնտեսական իրավիճակը: Երկրորդը` նոր սահմանադրությունը հետզհետե կյանքի կոչելն է»:
ԲՀԿ հիմնադիրը Գագիկ Ծառուկյանն է և եթե Գագիկ Ծառուկյանը ժամանակավորապես հեռացել է քաղաքականությունից, այն ռեսուրսը, որ նա դրել է, երևի միակ անձն է, միայն ֆինանսականն ի նկատի չունեմ, այն ռեսուրսը, որ դրվել է ԲՀԿ կայացման մեջ, դա ոչ մեկ չի կարող ԲՀԿ-ից խլի:
Ֆրանսիայի ոստիկանությունը արցունքաբեր գազ և լուսաձայնային նռնակներ է կիրառել աշխատանքային օրենսդրության բարեփոխումների դեմ բողոքի ցույց անող երիտասարդների դեմ, հայտնում է AFP-ն։
