ՌԴ նախագահ Վլադիմիր Պուտինը ստորագրել է Ռուսաստանի Ազգային գվարդիայի դաշնային ծառայության մասին հրամանը։ Համապատասխան փաստաթուղթը հրապարակվել է իրավական տեղեկատվության պաշտոնական պորտալում, տեղեկացնում է «Իզվեստիան»։
Քաղաքական վերլուծաբան Արմեն Բաղդասարյանի կարծիքով՝ Հայաստանի տնտեսության առջև կանգնած բոլոր խնդիրներն ունեն զուտ քաղաքական պատճառներ. «Հետևաբար, քաղաքական խնդիրները կարող է լուծել միայն քաղաքական թիմը։ Եկել է ինչ-որ կառավարություն, որտեղ տեխնոկրատներ են, մենեջերներ են, չգիտեմ՝ ինչեր են, համենայնդեպս, քաղաքական թիմ չէ։ Ոչ քաղաքական թիմը չի կարող լուծել քաղաքական խնդիրներ, սա ակնհայտ է»։
«2011 թվականից Դուք աշխատում եք Կենտրոնական ընտրական հանձնաժողովի նախագահ, այդ ընթացքում տեղի են ունեցել խայտառակ ընտրություններ, հանրաքվե, բոլոր դրանք անաստված ձևով կեղծվել են, բոլորը դրա մասին գիտեն»,- այսօր Ազգային ժողովում Կենտրոնական ընտրական հանձնաժողովի նախագահի ընտրության հարցի քննարկման ժամանակ ասաց ՀԱԿ խմբակցության ղեկավար Լևոն Զուրաբյանը՝ դիմելով ԿԸՀ նախագահի թեկնածու, ներկայիս նախագահ Տիգրան Մուկուչյանին։
Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանն այն կարծիքին է, որ Հայաստանում իրավիճակ փոխելու համար էնտուզիաստների թիմ է հարկավոր, որոնք պատրաստ են գնալ ինքնազոհության։ Նրա խոսքով, թեև Կարեն Կարապետյանը լավ տնտեսագետ է, բայց արդյո՞ք այն անձնավորությունն է, որն ունեցել է այդ տեսլականը. «Գուցե քողարկված եղել է, չի ասել, բայց ամեն դեպքում, եթե մարդը զգում է այդ վիճակը, գոնե պետք է լսած լինեինք նրա մտահոգությունները և տեսլականը, թե ինչպես կարող է իրավիճակ փոխել։ Օրինակ՝ Ռուբեն Վարդանյանի հարցազրույցներում այդ մտահոգությունը տեսել եմ, բայց Կարեն Կարապետյանի դեպքում՝ ոչ։ Երևում է, որ շատ լավ տնտեսագետ է, բայց դա բավարար չէ այդ թռիչքը կատարելու համար, իսկ Հայաստանին թռիչք է պետք»։
Նշելով, որ Ռուսաստանը Հայաստանի տնտեսական հիմնական գործընկերն է՝ Կարեն Կարապետյանը կարևորել է երկու երկրների միջև առևտրատնտեսական համագործակցության հետագա զարգացումն ու ընդլայնումը: Գործադիրի ղեկավարն ընդգծել է, որ Հայաստանի կառավարությունը պատրաստ է այդ ուղղությամբ ձեռնարկել անհրաժեշտ քայլեր և ավելացրել, որ ներդրումային նոր ծրագրերի իրականացման ու առևտրաշրջանառության ծավալների շարունակական ավելացման ուղղությամբ առկա է մեծ ներուժ:
Հոկտեմբերի 4-ին մեկնարկել է Ադրբեջանի պաշտպանության նախարար Զաքիր Հասանովի գլխավորած պատվիրակության այցը Ուզբեկստան, հայտնում է ադրբեջանական haqqin.az պարբերականը՝ վկայակոչելով Ադրբեջանի ՊՆ մամուլի ծառայությանը։
Այս օրերին շատ է խոսվում հալեպահայերի՝ Հայաստան գալու մասին: Կան իրարամերժ տեսակետներ. ՀՀ սփյուռքի նախարարության պաշտոնյաները նշում են, թե հալեպահայերը իրենք չեն ուզում, իսկ Հալեպից շատ հայեր էլ ասում են, որ Հայաստանից հատուկ շահագրգռվածություն, այս առումով, չեն զգում:
Իրաքյան նահանգում ԴԱԻՇ-ի պարագլուխների գաղտնի խորհրդակցությունն ավարտվել է հրաձգությամբ, հայտնում է The Daily Star-ը։
Ազգային ժողովում քննարկվում է Կենտրոնական ընտրական հանձնաժողովի (ԿԸՀ) նախագահի ընտրության հարցը։
«Մարդիկ ցանկանում են պատերազմական իրավիճակում վաճառել իրենց ունեցվածքը։ Նույնիսկ ունեինք դիմումներ՝ Հայաստան գալու համար, բայց զուտ ֆինանսական խնդիրների պատճառով հրաժարվում են։ Մենք նրանց հորդորում ենք գալ Հայաստան՝ նշելով, որ տոմսերով ապահովում ենք, բայց կենցաղային խնդիրների պատճառով շատերը հրաժարվում են»։
Նյու Յորք նահանգի դատախազն արգելել է Դոնալդ Թրամփի բարեգործական կազմակերպությանը գործունեություն ծավալել նահանգում գրանցման բացակայության պատճառով, հայտնում է BBC-ի ռուսական ծառայությունը։
«Հուսով ենք, որ նախագահները համաձայնություն կտան հաջորդ հանդիպման անցկացման համար: Ներկա դրությամբ հաջորդ հանդիպման տեղն ու ժամկետը հստակեցված չեն»,- ասել է Ուորլիքը։ Նրա խոսքով՝ ԵԱՀԿ Մինսկի խմբի համանախագահներն աշխատում են ԼՂ հակամարտության կողմերի հետ՝ դրա լուծման նպատակով։
Այսօր Ազգային ժողովի հերթական նիստի ժամանակ քննարկվում է Կենտրոնական ընտրական հանձնաժողովի (ԿԸՀ) նախագահի ընտրության հարցը։
Քաղտեխնոլոգ Արմեն Բադալյանը 168.am-ի հետ զրույցում նշել էր , որ, երբ կառավարության կազմում բոլոր նշանակումները լինեն, հատկապես՝ արտաքին գործերի ու պաշտպանության նախարարների մասով, կկարողանա ասել, թե ռուսամետ ի՞նչ երկրորդ զարգացումներ են լինելու, քանի որ առաջին ռուսամետ զարգացումը նա համարում էր ՀՀ վարչապետ Կարեն Կարապետյանի նշանակումը։
«Մենք ընդամենը 2 տարի հետո միջին եկամուտներ ստացող քաղաքացիների հարկային բեռն ավելացնում ենք, և կարծում եմ՝ այլ խնդիրներ կան, որոնց ձեռքը հետո կրակն ենք ընկնելու։ ԲՀԿ խմբակցության կուսակցականները չեն մասնակցի քվեարկությանը»։
Վրաստանի նախկին նախագահ, Օդեսայի մարզի նահանգապետ Միխայիլ Սաակաշվիլին դարձյալ հայտարարել է, որ կվերադառնա հայրենիք և կհանդիպի տեղացիների հետ։
Քոզաքը նախ ընդգծել է, որ իրավաբանական գրանցման ժամանակ ոչ ավանդական կրոնական խմբերը Ադրբեջանում բախվում են խնդիրների: Նման խմբերի հավատացյալները չեն կարող ազատորեն դավանել իրենց կրոնը` մշտապես վախենալով ոստիկանական հարձակումներից, տուգանքներից, ձերբակալություններից կամ հետապնդումներից:
Ռուսաստանը նորագույն SA-23 «Գլադիատոր» (համաձայն ռուսական դասակարգման՝ С-300ВМ «Անթեյ-2500») հակահրթիռային համակարգ է տեղակայել Սիրիայում։ Այս մասին հայտնում է ամերիկյան Fox News հեռուստաալիքը՝ վկայակոչելով ամերիկյան հետախուզությունում իր աղբյուրներին։
Սիրիայի հյուսիս-արևելքում քրդական հարսանիքի ժամանակ որոտացած պայթյունի հետևանքով սպանվել է նվազագույնը 30 մարդ, տասնյակ մարդիկ վիրավորվել են, հայտնում է Reuters-ը՝ վկայակոչելով սիրիական պետական լրատվամիջոցներին։
Ադրբեջանի արժութային պահուստների ծավալը, որը գտնվում է Կենտրոնական բանկի տրամադրության ներքո, նվազել է, հայտնում է ադրբեջանական APA գործակալությունը։
Հալեպի ազգային վարժարաններն ու Կրթասիրած Սարգիս Չեմպերճյան Երկրորդական, Բեթել, Կիլիկյան վարժարանները կշարունակեն փակ պահել դռները: Այս մասին տեղեկացնում է Հալեպի հայկական «Գանձասար» պարբերականը:
Բիրմինհեմում ելույթ ունենալով իշխող Պահպանողական կուսակցության ամենամյա համաժողովում՝ Մեծ Բրիտանիայի վարչապետ Թերեզա Մեյը հայտարարել է, որ Մեծ Բրիտանիան Եվրամիության կազմից դուրս գալուց հետո կձգտի կնքել առևտրի վերաբերյալ երկկողմ համաձայնագրեր մի շարք երկրների հետ, որոնք, նրա խոսքով, արդեն իսկ հետաքրքրություն են ցուցաբերել դրա նկատմամբ։
Իսրայելը մոտ ժամանակներս Ադրբեջանին կմատակարարի «Երկաթե գմբեթ» հակահրթիռային պաշտպանության համակարգ, տեղեկացնում է ադրբեջանական Minval.az կայքը։
Մալայզիայում Sikorsky S-6 ուղղաթիռը, որում գտնվում էր 14 զինվորական, հոկտեմբերի 4-ին ընկել է երկրի արեւելքի Տավաու քաղաքի դպրոցներից մեկի կտուրի վրա: Այս մասին հայտնել է «Սինհուա» գործակալությունը՝ հղում անելով ոստիկանությանը:
ԱՄՆ-ում հասարակական կարծիքի հարցումների արդյունքները, որոնք անցկացվում են ամերիկյան տարբեր ԶԼՄ-ների կողմից, վկայում են, որ Դեմոկրատական կուսակցությունից ԱՄՆ-ի նախագահի թեկնածու Հիլարի Քլինթոնը գերազանցում է նախընտրական մրցարշավում իր մրցակցին՝ հանրապետական Դոնալդ Թրամփին:
ԱՄՆ-ն աջակցում է Լեռնային Ղարաբաղի հակամարտության կարգավորման գործընթացին՝ բանակցային ճանապարհով, հայտարարել է Պետդեպարտամենտի պաշտոնական ներկայացուցիչ Էլիզաբեթ Թրյուդոն։
Թուրքիայի իշխանություններն աշխատանքից հեռացրել են շուրջ 12 801 ոստիկանի, որոնցից 2523-ը` սպա:
Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 6-րդ ենթակետը վարչապետ Կարեն Կարապետյանը որոշել է Ալեքսանդր Խաչատուրյանին նշանակել Հայաստանի Հանրապետության վարչապետի խորհրդական։
ՌԴ ԱԳՆ-ն պատասխանել է ԱՄՆ-ի՝ Սիրիայի հարցով Ռուսաստանի հետ բանակցությունները դադարեցնելու մասին հայտարարությանը:
Հաշվի առնելով այն հանգամանքը, որ 2016 թվականի հոկտեմբերի 2-ի տեղական ինքնակառավարման մարմինների ընտրությունները Գյումրիում և Վանաձորում առաջին անգամ պետք է անցկացվեին կուսակցական սկզբունքով, Հայ Ազգային Կոնգրեսը որոշում ընդունեց մասնակցել դրանց: Ակնկալում էինք, որ տեղի կունենա քաղաքական ծրագրերի և դիրքորոշումների մրցակցություն:
