Առայժմ ոչ ոք չի ստանձնել պայթյունների պատասխանատվությունը: Հայտնի է, որ «Բոկո հարամ» նիգերիական խմբավորումն ավելի վաղ քանիցս երեխաներին օգտագործել է որպես մահապարտներ:
Ռուսաստանի դեմ պատժամիջոցների երկարաձգումը չպետք է կատարվի ավտոմատ կերպով, այլ ակտիվորեն քննարկվի Եվրամիությունում։ Պատժամիջոցների աստիճանական չեղարկումը պետք է ընթանա Մինսկի համաձայնագրերի իրականացման ընթացքին զուգահեռ։
ԴԱԻՇ-ի զինյալները, որոնք գրավել են հնագույն Պալմիրա քաղաքը, շարունակել են հարձակումն արևմտյան ուղղությամբ, հայտնում է արաբական «Ալ-Մազդար» պարբերականը։
«Հայաստանը պետք է տեր կանգնի Արցախին, ինքը պետք է անվտանգության պատասխանատուն լինի: Հայաստանը պետք է Ղարաբաղն իր անբաժանելի մասը ճանաչի ու ինքն էլ տեր կանգնի: Ապրիլյան պատերազմի ժամանակ ՀՀ նախագահը սպառնաց դրանով, ասաց, որ մենք դաշինք կկնքենք Ղարաբաղի հետ և մեզ կհայտարարենք նրա անվտանգության երաշխավորը: Ես կարծում եմ՝ Հայաստանն ավելի կպաշտպանի Արցախին, քան Արցախը՝ ինքն իրեն: Հայաստանը պատասխանատու է Արցախի անվտանգության համար»,- այսօր լրագրողների հետ հանդիպման ընթացքում նման տեսակետ հայտնեց ԳԽ նախկին պատգամավոր Ազատ Արշակյանը:
Այսօր լրագրողների հետ հանդիպման ընթացքում ԱԺ «Հանրապետական» խմբակցության պատգամավոր Մկրտիչ Մինասյանը, ԱԱԾ նախկին պետի տեղակալ Գուրգեն Եղիազարյանը և ԳԽ նախկին պատգամավոր Ազատ Արշակյանը դատապարտեցին խորհրդարանում «Ժառանգություն» խմբակցության պատգամավոր Ռուբեն Հակոբյանի և «Հրապարակ» օրաթերթի լրագրող Վահե Մակարյանի միջև տեղի ունեցած միջադեպը:
Ստամբուլի ահաբեկչությունների զոհերի թիվը հասել է մինչև 44-ի, հայտնում է թուրքական NTV հեռուստաալիքը՝ վկայակոչելով իրավապահ մարմիններում աղբյուրին։
ԱԱԾ նախկին պետ Գուրգեն Եղիազարյանն այն կարծիքին է, որ շփման գծում անվտանգության մեխանիզմներ չեն ներդրվում, որովհետև Ադրբեջանն է դրան դեմ: Այսօր լրագրողների հետ հանդիպման ընթացքում նա նշեց, որ ողջունելի է ՀՀ-ում ԱՄՆ նախկին դեսպան Ջոն Էվանսի հայտարարությունը. «Նման դիրքից առաջին անգամ ենք նման հայտարարություն լսում»:
«Այդ ամեն ինչն արձանագրված է հուշագրում մի քիչ դիվանագիտական, մի քիչ քաղաքական լեզվով։ Բայց մենք կարող ենք արձանագրել, որ մեր շրջանում կա համաձայնություն հետևյալի մասին, որ, ինչպես հայաստանյան քաղաքական դաշտում ընդունված է ասել, մեր համագործակցությունը մետության և հակաության որևէ դրսևորում չի ունենալու։ Մենք չենք լինելու աշխարհաքաղաքական ինչ-որ կենտրոնամետ ուժ և չենք լինելու այդ կենտրոններից որևէ մեկին հակա։ Մեր ելակետը ՀՀ-ի շահերի գերակայության սկզբունքն է»։
ՌԴ նախագահ Վլադիմիր Պուտինն առնչություն ունի Մոսկվայում ռուս ընդդիմադիր գործիչ Բորիս Նեմցովի սպանությանը, Ուկրաինայի տարածքային ամբողջականության խախտմանն ու Հալեպում հիվանդանոցների ռմբակոծություններին, հայտարարել է ԱՄՆ սենատոր Ջոն Մակքեյնը CBS հեռուստաալիքով հեռարձակվող Face the Nation հեռուստածրագրի եթերում։
Եթե ԱՄՆ նորընտիր նախագահ Դոնալդ Թրամփը չհրաժարվի «միասնական Չինաստանի» քաղաքականությունից, Պեկինը կարող է սկսել աջակցել ԱՄՆ-ի հակառակորդներին։ «Միասնական Չինաստանի» քաղաքականությունը առևտրի առարկա չէ, ասվում է չինական The Global Times թերթում։
ԱԺ «Հանրապետական» խմբակցության պատգամավոր Մկրտիչ Մինասյանի կարծիքով՝ Ռուսաստանի, ԱՄՆ-ի և Ֆրանսիայի ԱԳՆ ղեկավարների՝ ԼՂ հարցի վերաբերյալ Համբուրգում արած հայտարարությունը տարբերվում էր այդ համատեքստում արված նախորդ հայտարարություններից:
«Այսօր մենք, ի դեմս այս փաստաթղթի, ունենք իրավիճակ, որ այդ տարաձայնությունները գլոբալ առումով հաղթահարված են»,- այսօր «Հանրապետություն», «Լուսավոր Հայաստան» և «Քաղաքացիական պայմանագիր» կուսակցությունների դաշինքի մասին համաձայնագրի ստորագրման ժամանակ ասաց «Քաղաքացիական պայմանագիր» կուսակցության անդամ, պատգամավոր Նիկոլ Փաշինյանը՝ խոսելով այդ ուժերի միջև ժամանակին եղած տարաձայնությունների մասին։
Թուրքական ավիացիան հարվածներ է հասցրել «Քրդստանի աշխատավորական» կուսակցության դիրքերին Իրաքի հյուսիսում՝ ի պատասխան Ստամբուլի ահաբեկչությունների, հայտնել են Թուրքիայի ԶՈՒ գլխավոր շտաբից։
«Ցանկանում եմ ունենալ հանդուրժողականության և վստահության մթնոլորտ հետագայում՝ մեր գործունեությունն ավելի լայնածավալ ծավալելու համար, որպեսզի մենք կարողանանք այսօրվա իշխանության ջլատող այս իրավիճակից ժողովրդին դուրս բերել ու դեպի քաղաքակիրթ պետության տանել»։
«Լուսավոր Հայաստան», «Քաղաքացիական պայմանագիր» և «Հանրապետություն» կուսակցությունները քիչ առաջ ստորագրեցին հուշագիր, որի համաձայն՝ 3 քաղաքական ուժերը խորհրդարանական ընտրություններում հանդես են գալու միասնաբար, այսինքն` դաշինքով:
Ռուսաստանի և Հայաստանի միացյալ զորախումբը ոչ մի խնդիր չի ստեղծում Ադրբեջանի համար։ Ինչպես հայտնում է APA գործակալությունը, այս մասին հայտարարել է ՌԴ Դաշնային խորհրդի տեղեկատվական քաղաքականության հարցերով հանձնաժողովի նախագահ Ալեքսեյ Պուշկովը։
«Հետամուտ են Հայաստանում եվրոպական մոդելի՝ իրավական, ժողովրդավարական, սոցիալական պետության կառուցմանը՝ ազգային լավագույն առանձնահատկությունների և հետաքրքրությունների համադրությամբ»։
Ադրբեջանական APA գործակալության հաղորդմամբ՝ Ադրբեջանի նախագահ Իլհամ Ալիևն այսօր ընդունել է ԵԱՀԿ Մինսկի խմբի ֆրանսիացի նորանշանակ համանախագահ Ստեֆան Վիսկոնտիին։
Ստամբուլում դեկտեմբերի 10-ին տեղի ունեցած ահաբեկչությունից հետո թուրքական մի քանի նահանգում սկսվել են քրդամետ «Ժողովուրդների դեմոկրատիա» կուսակցության ակտիվիստների ձերբակալություններ։
Իրանական պետական Iran Air ավիաընկերությունը ամերիկյան Boeing ավիակոնցեռնի հետ կնքել է 80 ինքնաթիռի մատակարարման պայմանագիր։
Ընդդիմադիր ուժերի հայտարարությունը՝ համատեղ համագործակցության վերաբերյալ:
Սիրիայի իշխանությունները ընդունել են ԴԱԻՇ-ի կողմից Պալմիրան գրավելու փաստը։ Բաշար Ասադի կառավարությունը խոստացել է ամեն ինչ անել ջիհադիստներին հնագույն քաղաքից դուրս մղելու ուղղությամբ։
Ապստամբների վերահսկողության տակ գտնվող արևելյան Հալեպի շրջաններից հեռացել է ավելի քան 13 հազար մարդ, հայտնում է RIA Novosti-ն՝ հղում կատարելով Սիրիայում հակամարտ կողմերի հաշտեցման ռուսական կենտրոնին։
Իսրայելի վարչապետ Բենիամին Նեթանյահուն հայտարարել է հարցազրույցի ժամանակ, որ համաձայնեցնում է Ռուսաստանի հետ ռազմական գծով գործողությունները, որպեսզի Սիրիայում խուսափի անկանխատեսելի հակամարտություններից, հայտնում է CBS-ը։
Թուրք ժողովուրդը չպետք է ոչ մի կասկած ունենա նրանում, որ մենք մինչև վերջ պայքարելու ենք ահաբեկչության դեմ, հայտարարել է Թուրքիայի նախագահ Ռեջեփ Էրդողանը Ստամբուլում։ Այս մասին հայտնում է «Անադոլու» գործակալությունը։
Թուրքական «Անադոլու» գործակալության հաղորդմամբ՝ Բաշար Ասադի կառավարական զորքերի գործողությունների հետևանքով Հալեպի արևելյան շրջաններում 1 օրում սպանվել է 31 մարդ, ևս 40-ը վիրավորվել է։
1164 ներգաղթյալ, որոնք լողում էին ռետինե և փայտե նավակներով, փրկվել են Միջերկրական ծովի կենտրոնական մասում ուժեղ քամու ժամանակ, 6 մարդ զոհվել է։
Սիրիայի կառավարական զորքերը Պալմիրայից կարողացել են տարհանել բնակչության ընդամենը 80%-ին, մյուսների ճակատագիրը անհանգստացնում է, հայտարարել է Հոմս նահանգի նահանգապետ Թալալ Բարազին։
ԱՄՆ նորընտիր նախագահ Դոնալդ Թրամփը կհանդիպի ԱՄՆ խոշորագույն տեխնոլոգիական կորպորացիաների ղեկավարների հետ, որոնց թվում են Tesla Motors և SpaceX ընկերությունների գլխավոր տնօրեն Իլոն Մասկն ու Apple-ի ղեկավար Թիմ Կուկը, հայտնում է Wall Street Journal-ը։
ՄԱԿ-ի Անվտանգության խորհուրդը դատապարտել է դեկտեմբերի 10-ի գիշերը Ստամբուլում տեղի ունեցած կրկնակի ահաբեկչությունը՝ այն որակելով «հրեշավոր և ստոր», հայտնում է TASS-ը։
