Հռոմի պապը Վատիկանում ընդունել է Վենեսուելայի նախագահին
Հռոմի պապ Ֆրանցիսկոսը Վատիկանում երեկ ընդունել է Վենեսուելայի նախագահ Նիկոլաս Մադուրոյին, հայտնում է Վատիկայի մամուլի ծառայությունը:
Այդ հանդիպումը նախապես չէր ազդարարվել և տեղի է ունեցել այդ լատինամերիկյան երկրում քաղաքական անկայունության ֆոնին:
«Հանդիպումը տեղի է ունեցել քաղաքական, տնտեսական և սոցիալական ճգնաժամի ֆոնին, որը ապրում է այդ երկիրը և որը ծանր է անդրադարձել Վենեսուելայի ողջ բնակչության առօրյա կյանքի վրա»,- ասվում է մամուլի ծառայության հաղորդագրության մեջ:
Նշվում է, որ Հռոմի պապը կոչ է արել Մադուրոյին «համարձակորեն կանգնել ազնիվ ու կառուցողական երկխոսության ուղու վրա»:
Երեկ Վենեսուելայի ընդդիմության ղեկավարները հանդիպել են նաև Կարակասում Վատիկանի ներկայացուցիչների հետ:
Մադուրոն Վատիկան էր ժամանել Մերձավոր Արևելք կատարած շրջագայությունից հետո:
