Խորհուրդներ 25 տարեկաններին` Չինաստանի ամենահարուստ մարդուց

Սեուլում կայացած կոնֆերանսի ժամանակ մի երիտասարդ հարցրել է Alibaba Group-ի հիմնադիր Ջեք Մային, ում կարողությունը գնահատվում է 22.2 մլրդ դոլար, թե ինչ կաներ նա, եթե հիմա 25 տարեկան լիներ և նոր-նոր սկսեր իր բիզնեսը:

AdMe.ru-ն ներկայացնում է, թե ինչպես է պատասխանել Ասիայի ամենաթանկարժեք ինտերնետ-ընկերության հիմնադիրը, ով ժամանակին չէր կարողացել «ստանալ նույնիսկ Kentucky Fried Chicken ռեստորանի մենեջերի օգնականի աշխատանքը»:

1. Փնտրեք հնարավորություններ

Հնարավորություններն ամենուր են: Հիմա բոլորն ասում են, որ համացանցը ապագան է: 10 տարի առաջ համացանցը հիասքանչ էր, քանի որ դրա մասին ոչ ոք չգիտեր: Իսկ հիմա համացանցը բարդանում է, քանի որ բոլոր խելացի մարդիկ այնտեղ են: Դուք պետք է դուրս գաք իրական հատվածներ:

2. Օգտագործեք տեխնոլոգիաներ

Եթե ցանկանում եք ռեստորան բացել, տեխնոլոգիաներ օգտագործեք, որպեսզի այն յուրահատուկ դարձնեք: Եթե ցանկանում եք վարսավիրանոց բացել, օգտագործեք IT-տեխնոլոգիաներ և data, տարբերվեք բոլորից: Տեխնոլոգիաներ կարելի է կիառել ամենուր:

3. Լայն մտածեք

Մտածեք «հակառակ ուղղությամբ»: Եթե բոլոր համաձայնում են ինչ-որ բանի հետ, մի պահ մտածեք. իսկ դա ճի՞շտ է, իրականում դա այդպե՞ս է: Երբ բոլորը դեմ են ինչ-որ բանի, կրկին մտածեք. գուցե նրանք ճիշտ չեն, գուցե այստեղ հնարավորություն կա:

4. Մի անհանգստացեք

Եթե Դուք 25 տարեկան եք, մի անհանգստացեք: Ձեր կատարած ցանկացած սխալ մեծ ձեռքբերում է Ձեզ համար:

5. Մի շտապեք

Ես ինձ հաամր սահմանել եմ հետևյալ «սխեման», որի մասին հաճախ պատմում եմ երիտասարդ սերնդի ներկայացուցիչներին.

Մինչև 20 տարեկանը ուսանող եղեք: Մի շտապեք բիզնեսի հարցում, սովորեք ինչ-որ բան:

Մինչև 30 տարեկանը հետևեք ինչ-որ մեկին: Աշխատեք փոքր ընկերություններում:

30-40 տարեկանում աշխատեք ինքներդ Ձեզ համար, եթե իսկապես ցանկանում եք ձեռնարկատեր դառնալ:

40-50 տարեկանում արեք այն, ինչ ձեզ մոտ լավ է ստացվում: Մի փորձեք վազել ինչ-որ նոր բանի հետևից. նոր ոլորտի համար արդեն ուշ է: Կենտրոնացեք Ձեր լավագույն ձեռքբերումների վրա:

50-60 տարեկանում աշխատեք երիտասարդների մոտ: Նրանք շատ բան կարող են Ձեզանից լավ անել, այնպես որ սովորեցրեք նրանց և այդպիսով ներդրում արեք:

60-ից հետո ժամանակը ծախսեք Ձեզ վրա: Ձեզ սպասում են արևը և լողափը:

6. Սխալվեք

Իմ խորհուրդը երիտասարդներին` բավականին սխալներ գործեք: Մի անհանգստացեք: Դուք ընկնում եք և բարձրանում, ընկնում եք և բարձրանում: Վայելեք դա, հաճույք ստացեք Ձեր երիտասարդությունից և կյանքից:

Պատրաստեց Անի Գաբուզյանը