Որ բանկերն են բավարարում ԿԲ պահանջին. ընդհանուր կապիտալի տվյալները (ցանկ)
ՀՀ առևտրային բանկերն արդեն հրապարակել են իրենց միջանկյալ եռամսյակային հաշվետվությունները։
Տարին մոտենում է ավարտին, և գնալով ավելի կարևոր է դառնում բանկերի ընդհանուր (նորմատիվային) կապիտալի ցուցանիշը։
Հիշեցնենք, որ 2014 թվականի դեկտեմբերին Կենտրոնական բանկի որոշման համաձայն ընդհանուր կապիտալի նվազագույն չափը սահմանվեց 30 մլրդ դրամ՝ նախկին 5 մլրդ դրամի փոխարեն։
Առևտրային բանկերը մինչև տարեվերջ պետք է կապիտալը համալրեն և բավարարեն այս պահանջին։
Ինչպես տեսնում ենք, 2016 թվականի երրորդ եռամսյակի վերջի դրությամբ 30 մլրդ դրամից ավելի ընդհանուր կապիտալ ունեն թվով 7 առևտրային բանկեր` «Ամերիաբանկը», «ԱԿԲԱ-Կրեդիտ Ագրիկոլ Բանկը», «Արդշինբանկը», «Էյչ-Էս-Բի-Սի Բանկ Հայաստանը», «ՎՏԲ-Հայաստան Բանկը», «Ինեկոբանկն» ու «Արմսվիսբանկը»:
Աղյուսակում ներկայացված են 19 առևտրային բանկերի ընդհանուր կապիտալի չափերը և փոփոխությունը՝ երկրորդ եռամսյակի վերջի համեմատ (տվյալները վերցված են B4B PRO համակարգից)։
