«Լայնամասշտաբ պատերազմ միգուցե տեսականորեն կլինի, բայց գործնականում չի լինի». Էդուարդ Շարմազանով

Այսօր խորհրդարանում ԱԺ փոխխոսնակ Էդուարդ Շարմազանովն անդրադարձավ անցած գիշեր ղարաբաղաադրբեջանական շփման գծում Ադրբեջանի կողմից իրականացրած դիվերսիոն գործողությունների փորձին: Ըստ նրա` նման գործելաոճով Ադրբեջանը ևս մեկ անգամ ցույց է տալիս, որ արհամարհում և մերժում է Վիեննայում և Սանկտ Պետերբուրգում ձեռք բերված պայմանավորվածությունները:

«Ադրբեջանը վերահաստատում է, որ բանակցային գործընթացում խճճվել է և մտել է փակուղի, միգուցե նաև ձախողվել է: Միջազգային հանրությունը պետք է խստագույնս դատապարտի Ադրբեջանի հանցագործ գործելաոճը»,- ասաց Է. Շարմազանովը:

Է. Շարմազանովը չբացառեց, որ դիվերսիոն  ներթափանցման փորձեր կրկին կլինեն, սակայն բացառեց լայնամասշտաբ պատերազմը. «Լայնամասշտաբ պատերազմ միգուցե տեսականորեն կլինի, բայց գործնականում չի լինի»:

Կարդացեք նաև

Տեսանյութեր

Լրահոս