Ասադի զորքերը սպառնում են խոցել թուրքական ինքնաթիռները
Սիրիացի զինվորականները հայտարարել են, որ խոցելու են Թուրքիայի ռազմական ինքնաթիռները, եթե նրանք մուտք գործեն երկրի օդային տարածք, հայտնում է Reuters-ը՝ հղում կատարելով Սիրիայի զինված ուժերին։
«Սիրիական բանակը և զինված ուժերը նախազգուշացնում են Թուրքիայի ռազմական ինքնաթիռները խոցելու պատրաստակամության մասին ցանկացած հնարավոր միջոցներով այն դեպքում, եթե նրանք դարձյալ խախտեն Սիրիայի օդային տիրույթը»,- գրված է հայտարարության մեջ։
Սիրիական բանակի հրամանատարությունը մեղադրել է Անկարային Հալեպից հյուսիս ընկած գյուղերը ռմբակոծելու մեջ, ներառյալ՝ Հասաջեքը։
Ավելի վաղ սիրիացի քրդերը հայտարարել էին, որ թուրքական ավիացիայի ինքնաթիռները 26 անգամ թռիչքներ են իրականացրել Սիրիայի հյուսիսում։
