Բաժիններ՝

ՀՀ և Ավստրիայի ԱԳՆ­-ները քաղաքական խորհրդակցություններ են անցկացրել

ՀՀ ԱԳՆ-­ում սեպտեմբերի 23­-ին տեղի են ունեցել քաղաքական խորհրդակցություններ Հայաստանի Հանրապետության և Ավստրիայի Հանրապետության արտաքին գործերի նախարարությունների միջև: Ինչպես տեղեկացրին ՀՀ ԱԳՆ տեղեկատվության և հասարակայնության հետ կապերի վարչությունից, Երևան ժամանած ավստրիական պատվիրակությունը գլխավորում էր Եվրոպայի, ինտեգրման և արտաքին գործերի նախարարության գլխավոր քարտուղար Միխաել Լինհարտը, ով աշխատանքային հանդիպումներ է ունեցել ՀՀ ԱԳ նախարարի տեղակալների հետ:

Փոխնախարարներ Կարեն Նազարյանի և Շավարշ Քոչարյանի հետ առանձին հանդիպումների ընթացքում հայ և ավստրիացի դիվանագետները քննարկել են երկկողմ հարաբերությունների օրակարգային հարցեր: Կարևորվել է հայ­ավստրիական քաղաքական երկխոսության ակտիվացումը, քննարկվել են առևտրատնտեսական կապերի զարգացմանն ուղղված քայլերը: Անդրադարձ է կատարվել եվրոպական կառույցներում երկու երկրների փոխգործակցությանը:

Խորհրդակցությունների ժամանակ քննարկվել են նաև տարածաշրջանային ու միջազգային օրակարգի հրատապ հարցեր, մտքեր են փոխանակվել ՀՀ-­ԵՄ համագործակցության հեռանկարների վերաբերյալ: Ավստրիական կողմին ներկայացվել է Լեռնային Ղարաբաղի հիմնահարցի կարգավորման գործընթացի վերջին զարգացումները, ինչպես նաև ՀՀ հաաբերությունները հարևան երկրների հետ։

Փոխնախարար Աշոտ Հովակիմյանի հետ հանդիպմանը մտքեր են փոխանակվել 2017թ. ԵԱՀԿ­ում ավստրիական նախագահության առաջնահերթությունների և ԵԱՀԿ օրակարգային հարցերի շուրջ: Հայկական կողմը վերահաստատել է իր աջակցությունը 2017-թ-­ին ԵԱՀԿ­-ում ավստրիական նախագահությանը:

Բաժիններ՝

Տեսանյութեր

Լրահոս