Սիրիայում թուրքական օպերացիայի հետևանքով տասնյակ խաղաղ բնակիչներ են սպանվել
Սիրիայի հյուսիսում թուրքական ռազմաօդային ուժերի հարձակման հետևանքով սպանվել է մի քանի տասնյակ մարդ:
Ինչպես հայտնում է Մարդու իրավունքների հարցով սիրիական դիտորդական կենտրոնը (SOHR), օգոստոսի 28-ին տեղի ունեցած երկու ռմբակոծությունների զոհ է դարձել նվազագույնը 35 խաղաղ բնակիչ, ևս 75 մարդ վնասվածքներ է ստացել:
Մինչ այդ, ըստ թուրքական բանակի տեղեկությունների` Սիրիայի Ջարաբլուս քաղաքին հասցված ավիահարվածների հետևանքով սպանվել է Քրդական ժողովրդական ինքնապաշտպանական ջոկատների (YPG) 25 քուրդ զինյալ:
Ինչպես նշում է թուրքական Anadolu գործակալությունը, հղում կատարելով բանակի աղբյուրներին, թուրք զինվորականները ձեռնարկել են հնարավոր ամեն բան` թույլ չտալու խաղաղ բնակչության շրջանում զոհեր:
