«Մտադիր եմ 41 տարեկանում կարիերաս ավարտել «Ռեալում»». Կրիշտիանու Ռոնալդու
Պորտուգալացին արդեն ամեն ինչ պլանավորել է:
«Ցանկանում եմ երկարաձգել պայմանագիրը «Ռեալի» հետ: Ես խաղում եմ աշխարհի լավագույն ակումբում և ուզում եմ կարիերաս ավարտել այստեղ 41 տարեկան հասակում: Հիմա պետք է հանգստություն պահպանել, բայց իմ նպատակը պայմանագիրը երկարաձգելն ու «Ռեալում» մնալն է:
Մյուս խնդիրները՝ պահպանել խաղի մակարդակը, գոլեր խփել, փոխանցումներ կատարել: Մենք ուզում ենք հաղթել Իսպանիայի առաջնությունը և գավաթը, ինչպես նաև՝ Չեմպիոնների լիգան: Պորտուգալիայի հետ ես մտադիր եմ խաղալ Աշխարհի առաջնությունում:
Այս տարին անմոռանալի էր: Եվրոպայի լավագույն ֆուտբոլիստի մրցանակը շատ կարևոր տիտղոս է: Ցանկանում եմ շնորհակալություն հայտնել «Ռեալի» և հավաքականի խաղընկերներիս»,- Ռոնալդուին է մեջբերում AS-ը:
Ռոնալդուն «Ռեալում» խաղում է 2009 թվականից:
Խփած 364 գոլերով պորտուգալացին գլխավորում է մադրիդյան ակումբի պատմության մեջ լավագույն ռմբարկուների ցուցակը:
Պատրաստեց Անի Գաբուզյանը
