Վերջին 12 ամսում Բրիտանիայում 8 ահաբեկչություն է կանխվել
Վերջին 12 ամսում Մեծ Բրիտանիայում 8 ահաբեկչություն է կանխվել, հայտնել է Լոնդոնի ոստիկանության ղեկավար Բեռնարդ Հոգան-Հոուվը: Այս մասին հայտնում է RIA Novosti-ն:
Նրա խոսքով` դա հնարավոր է դարձել «շնորհիվ ոստիկանության և հետախուզական ծառայությունների շատ սերտ համագործակցության»:
«Գերազանց հետախուզական տվյալները թույլ են տվել կալանավորել մարդկանց մինչ հարձակումը»,- ասել է Հոգան-Հոուվը օտարերկրյա լրագրողների համար հրավիրված ճեպազրույցում:
Նրա խոսքով` անցած տարի ողջ երկրում ահաբեկչությանն առնչություն ունենալու կասկածանքով կալանավորվել է մոտ 400 մարդ:
Հոգան-Հոուվը հայտնել է, որ «Լոնդոնն աշխարհի ամենաանվտանգ քաղաքն է մնում մայրաքաղաքների շրջանում»:
«Անցած 4,5 տարում լուրջ հանցագործությունների թվի կրճատումը կազմել է 20 տոկոս»,- հայտնել է նա:
