Ալիևը, Էրդողանն ու Բերդիմուհամմեդովը կքննարկեն էներգետիկ համագործակցության հարցեր
Մինչև տարեվերջ տեղի կունենա Ադրբեջանի, Թուրքիայի և Թուրքմենստանի նախագահների հանդիպումը:
Ինչպես հայտնում է Hurriyet Daily News-ը, այս մասին հայտնել է Թուրքմենստանում Թուրքիայի դեսպան Մուստաֆա Քափուջուն:
Նրա խոսքով՝ բանակցությունների հիմնական թեման լինելու է էներգետիկ համագործակցությունը, մասնավորապես թուրքմենական գազը Կասպից ծովով Ադրբեջան տեղափոխելու նպատակով խողովակատարի անցկացման հարցը, որտեղից այն կարող է մատակարարվել Եվրոպա Տրանսանատոլիական խողովակատարով (ТАР):
